Argazki saioa Nerea Lurgain diseinatzailearekin Kontxako hondartzan
Donostiako Kontxako hondartzan egin genuen Nerea Lurgain diseinatzailearen azken arropa bildumaren argazki saioa. Udazken eta negurako sortutako pieza bereziak izan ziren protagonista: itsasoaren indarra eta hondartzako argia bidelagun, Kontxak testura eta jantzien mugimendua nabarmentzeko eszenatoki ezin hobea eskaini zigun.
Nereak eta biok Arte Ederreko ikasketetatik datorkigun adiskidetasuna eta sormen harremana partekatzen ditugu, urteekin sendotu den lotura hori lankidetza honetan ere modu naturalean islatu da. Argazkietan ez genituen soilik jantziak erakutsi nahi; baita adiskidetasunetik sortutako konplizitatea eta begiraden arteko lotura ere.
Gainera, aukera izan genuen Nerearen hurrengo bildumarako irudiak eta performance bat sortzeko, bere sormen prozesuari jarraipena emanez eta bide berriak esploratuz.
Moda baino harago, saio honek natura, artea eta identitatearen arteko topagune bat ekarri zuen. Etengabe mugitzen den itsasoak jantziekin solasean jardun zuen, gogoraraziz arropak ere arnasa duela eta berezko bizia daramala. Harea eta itsas horizonteak eszenatoki bihurtu ziren, non pieza bakoitzak istorio bisual batean bilakatzen ziren: indar, lasaitasun eta erresilientzia istorioetan.
Halako lankidetzek oroitarazten didate zein garrantzitsua den sormenetik harremanak ehuntzea. Ez da soilik arropa bat argazkitan jartzea, baizik eta diseinatzailea bera irudikatzea, eta elkarrekin partekatutako hizkuntza bat sortzea: diseinatzailearena, modeloarena, ingurune naturalarena eta nire kameraren atzean dagoen begiradaren artekoa.
Emaitza irudi sorta bat izan da, non modaz gain, adiskidetasunaz, sustraiez eta gurutzatzen diren sormen bideez ere hitz egiten den, hazten jarraitzeko elkarguneak sortuz.
